كوێستان خوسرەوی: پێشكەشكاری حەزی خۆم بووە، ویستوومە لەو سۆنگەیەوە خزمەتی گەلەكەم بكەم
میترۆ، خەبات
”كوێستان خوسرەوی” پێشكەشكار و ئەكتەر لەچاوپێكەوتنێكدا بۆ خەبات دەڵێت: كاری پێشكەشكاریم لە ساڵی”2004″ لە كەناڵی” نەورۆزی حیزبی دیموكراتی كوردستان دەست پێكرد، پێشكەشكاری بەرنامەی تەلەڤزیۆنی بەشێك بووە لە چالاكییەكانی من و تا ئێستاش بەردەوامم، لە كەناڵی “كوردستان”تیڤی هیواداریشم توانیبێتم بۆشاییەكم لە بواری پێشكەشكاری و پەیوەندی لەگەڵ بینەر پڕ كردبێتەوە، هەروەها هەردوو بەشی پێشكەشكاری و نواندن بۆمن بایەخی خۆیان هەبووە.
كاری پێشكەشكاری حەزی خۆم بووە ویستۆمە لەو سۆنگەیەوە خزمەتی فەرهەنگی گەلەكەمی پێ بكەم ،هیواداریشم بتوانم لە داهاتوودا زیاتر پەرە بە و بەشە بدەم و زیاتر هەوڵ بدەم كە ببم بە پردی نێوان نەتەوەكەم و فەرهەنگ و هونەری رەسەن ،هەڵبەت وڵامی ئەوە لای بینەرە ،لای خۆم هەردووكیان ووزە و هێزم پێ دەبەخشن ،وە هیوادارم توانیبێتم خزمەتی گەل و نەتەوەكەی خۆمم پێكردبن، هەڵبەت كاری نواندن بە بەشێك لە ژیانی خۆمی دەزانم و هەمیشە بایەخێكی تایبەتی هەبووە لای من، هەر لەبەر ئەمەش كاری نواندنم كردووە و ئێستاش لەسەری بەردەوامم، هەر رۆڵێك بۆ خۆم بە گونجاوی بزانم ، دوایین كاری نواندنیشم لە ڤیدیۆی رۆزڵین بوو، سەرەتای دەسپێكی كاری نواندنم بەشداری كردنم بوو لە درامای”گەردەلوول” كە بە یەكەم دەسپێكی كاری نواندنم هەژماردەكرێت، ئەوەش بۆمن شوێنێكی تایبەتی دەبێت لە كارنامەی هونەری من، لە پرسیارێكدا كە ئایا ئەگەر داوات لی بكرێت بەشداری لە فیلمێك یا درامایەك بكەیت بەشدار دەبیت؟
لە وەڵامدا دەڵێت: ئەگەر ڕۆڵەكە گونجاو بێت بۆمن بەڵێ ئامادەم، بەڵام ئەگەر تەنیا بۆ دەركەوتن بێت نەخێر ئامادە نیم، لە كۆتا پرسیاردا كە ئایا ئە وگیروگرفتانە چین كە رووبەرووی دەبنەوە؟
لە وەڵامدا دەڵێت: گیروگرفت لە هەموو بوارێكدا وجوودی هەیە، رەخنەش دەبێت هەبێت تا بتوانین زیاترپێشكەوین.
PM:12:14:07/09/2019
ئه‌م بابه‌ته 368
جار خوێنراوه‌ته‌وه