بەیانی ئەمڕۆ 6ی تشرینی یەکەم، پۆلیسی تورکیا هەڵیکوتایە سەر نوسینگەی ئاژانسی میسۆپۆتامیا لە شاری وانی باکووری کوردستان و چوار ڕۆژنامەنوسی دەستگیرکرد.
ئاژانسی هەواڵی هاوار ئاشکرایکردووە، لەکاتی هەڵکوتانە سەر نوسینگەی میسۆپۆتامیا دوو ڕۆژنامەنوسی ئەو ئاژانسە بەناوەکانی عەدنان بیلین و جەمیل ئورگو دەستگیرکراون.
هاوکات لەگەڵ داخستنی نوسینگەی ئاژانسەکەدا سایتی ژن نیوز داخراوە و دوو ڕۆژنامەنوسی وێبسایتەکەش کە کوردن دەستگیرکراون.
پۆلیسی تورکیا وێبسایت و نوسینگەی ئەو دوو ناوەندە کوردییەی داخستووە و دەستیگرتووە بەسەر پێداویستییە ڕۆژنامەوانییەکانیاندا.
هەر بەپێی هەواڵێکی ئاژانسەکە ئەمڕۆ پۆلیسی تورکیا هەڵمەتێکی دەستگیرکردنی لە ئامەد و شیرناخ و ئیستەنبول بۆسەر لایەنگرانی هەدەپە و کورد لە باکوری کوردستان دەستپێکردووە و بەپێی هەواڵێکی ئاژانسی هاوار ئەمڕۆ زیاتر لە 10 هاوڵاتیی کورد لە تورکیا دەستگیرکراون.
پۆلیسی تورکیا بەبێ ڕەزامەندی دادوەر چونەتە سەر ماڵی لایەنگرێکی هەدەپە
-esta.krd