له‌ به‌سڕه‌ پۆلیس و سوپای‌ عێراق هێرش ده‌كه‌نه‌ سه‌ر چوار میدیاكاری‌ كورد




میترۆ
له‌كاتی‌ په‌خشی‌ راسته‌وخۆدا پۆلیسی‌ ئاماده‌ی‌ به‌سڕه‌ و سوپای‌ عێراق، هێرش ده‌كه‌نه‌ سه‌ر چوار میدیاكاری‌ كورد و به‌شه‌ق و به‌دار لێیان ده‌ده‌ن. 

رۆكان جاف، په‌یامنێر و نێردراوی‌ زووم نیوز، به‌ میترۆی‌ راگه‌یاند" به‌مه‌به‌ستی‌ روماڵكردنی‌ یارییه‌كانی‌ كه‌ندا و نیوه‌ڕۆی‌ ئه‌مڕۆ 19ی‌ كانوونی‌ دووه‌می‌ 2023 منو و ێنه‌گره‌كه‌م (كارزان كاكه‌ ره‌ش، نیهاد حه‌سه‌ن په‌یامنێری‌ ئاپۆڕا، ئه‌حمه‌د عه‌بدوڵا په‌یامنێری‌ باس نیوز) چوینه‌ یاریگای‌ (جزع النخله‌) له‌ ده‌رگای‌ ژماره‌ 6 وه‌ستابووین و خه‌ڵكێكی‌ زۆر له‌وێ‌ كۆببونه‌وه‌ و پۆلیسیش رێگه‌ی‌ نه‌ده‌دا بچنه‌ ژوره‌وه‌". 

وتیشی‌" به‌هۆی‌ زۆری‌ و قه‌ره‌باڵغی‌ شوێنه‌كه‌وه‌ بوو به‌ پاڵه‌په‌ستۆ و ئێمه‌ش سه‌رقاڵی‌ په‌خشی‌ راسته‌وخۆبووین و پۆلیسی‌ ئاماده‌یی‌ به‌سڕه‌ و سوپای‌ عێراق هاتن بۆمان و  كه‌ زانیان رۆژنامه‌وانی‌ كوردین،  هێرشیان كرده‌سه‌رمان و به‌شه‌ق و به‌دار لێیان داین".

رۆكان جاف ئه‌وه‌شی‌ خسته‌ڕوو،" كه‌ سه‌رجه‌م كه‌لوپه‌له‌ رۆژنامه‌وانیه‌كانیانمان بۆ ماوه‌یه‌ك ده‌ستیان به‌سه‌رداگرت". 


PM:06:39:19/01/2023




ئه‌م بابه‌ته 116 جار خوێنراوه‌ته‌وه‌‌