ئەمڕۆ چوارشەممە 18ی ئەیلولی 2024، تیمی سەنتەری میترۆ پێشوازییان لە وەفدێكی كۆمپانیای چەتر كرد، ( هاوژین شوانە، سنور رەحمان، شۆخان میرزا).
لەكۆبونەوەكەدا باس لە یاسای مرۆیی نێودەوڵەتی كرا كە بە روونی رۆژنامەنووس وەك خەڵكی سڤیل تەماشا دەكات و دەبێت پارێزراوبن، لەم سۆنگەیەوە سەرلەنوێ تیرۆركردنی هەردوو رۆژنامەنووس گوڵستان تارا، هێرۆ بەهائەدین و بە ئامانجگرتنی خەڵكی مەدەنی شەرمەزراكرا.
هەردوولا جەختیانكردەوە، سەرهەڵدانی مەترسییەكی نوێ بۆ سەر سەلامەتی ڕۆژنامەنووسان و ئازادی میدیا و فرەیی میدیایی، پێویستی بە خۆپارێزی و خۆڕاگری لە لایەك و هاوپشتی هەموو ئازادیخوازان هەیەو لەو بارەیەوە دەبێت كاری جدی بكرێت وەك ئەركێكی ئەخلاقی و نیشتمانیی تەماشا بكرێت.
هاوڕابووین كە دابینكردنی كەشێكی ئازاد و سەلامەت بۆ رۆژنامەنووسان، ئەركی تەنها یەك رێكخراو نییە بەڵكوو هەموو رێكخراوە مەدەنییەكان و هاوڵاتیانە.