د بەرسڤا سەنتەرێ میترۆ دا د بێژین "دێ بەردەوام بین درێکخستنێ دا دژی بێسەروبەری و بەرەڵلایی و گەڕەڵاوژێ
ئەم وەکو سەندیکا رۆژنامەنڤیسێن کوردستانێ، باش تێدگەهین و جیاوازیێ د ناڤبەرا تۆمارکرن و مولەتێ دا دکەین و باش د یاسایا کارێ رۆژنامەڤانیێ ژی دگەهین.
بۆ رێکخستنا کارێ میدیایێ مە بریار دایە پێکۆلێ بکەین کو هیچ کەسەك بێی تۆمارکرنا مایك و ماڵپەرێن هەواڵ و زانیاریان ل سەندیکایێ یان وەرگرتنا مۆلەتێ ژ وەزارەتا رەوشەنبیری کار نەکەت، بۆ هندێ هەردەم وەڵاتێ مە د هەمی سێکتەرەکێ دا رێکخستی و جوان بهێتە دیتن.
ئەم وەکو سەندیکا رۆژنامەنڤیسێن کوردستانێ دوپاتیێ دکەین کو مە بەحس ل قەدەغەکرنا پەیجێن تۆرێن کۆمەڵایەتی نەکریە و هوین شاش یێ د بابەتی گەهشتین پێدڤییە هەوە باشتر دویڤچوون کربایە، بەلکو مەرەما مە هلگرتنا مایکێن بەرەڵلایە کو نابیت هەر کەسەك ژبەرخۆ مایکی هەلگریت و کار بکەت و ل سۆشیالێ دەنگ و وێنێ خەلکێ بێی هیچ شارەزایی و فیلتەرەك دابەزینت.
ئەم وەکو نڤیسینگەها زاخۆ یا سەندیکا رۆژنامەنڤیسێن کوردستانێ، ڤێ پێنگاڤێ ب ئەرکێ خۆ یێ پیشەیی و نشتیمانی دزانین، دێ بەردەوام بین د ریفۆرم و رێکخستنێ دا دژی هەمی ڕەوتەکا پری بەرەڵلایی و بێسەروبەری ل هەرێما کوردستانی.