لە ئەڵمانیا خانمێکی کورد لە ماوەی مانگێکدا دوو خەڵاتی گەورەی وڵاتەکەی وەرگرت. بۆ یەکێکیان سەرۆکی گەورە شارەوانییەکی ئەڵمانیا بەتایبەت و لەبەر ئەو خانمە لە شارەکەیەوە گەشتی کرد و چووە رێوڕەسمەکە.
سەرپیل تەمیز لە ئەڵمانیا بووەتە ناوێکی ناسراو. خانمێکی ئازایە کە کوڕەکەی لە شاری هاناو بەدەستی کەسێکی رەگەزپەرست کوژرا.
دوای ئەوە سەرپیل دامەزراوەیەکی دروستکرد بۆ بەرەنگاربوونەوەی رەگەزپەرستی و هاندانی یەکتر قبوڵکردن. کۆتایی مانگی پێنجی ئەم ساڵ خەڵاتێکی وەرگرت و بووە باڵیۆزی دێموکراسی و یەکترقبوڵکردن لە ئەڵمانیا. دوێنێش لە شاری کۆڵن خەڵاتێکی دامەزراوەی بیمە هەرێمییەکان (گێ فاو فاو GVV)ی وەرگرت.
ئەو دامەزراوەیە چەترێکە و ژمارەیەکی زۆر بانک و دامەزراوەی بیمەی ئەڵمانیا تێیدا ئەندامن. خەڵاتەکە هێندە گرنگ بوو کە کلاوس کامینسکی، سەرۆکی گەورە شارەوانیی شاری هاناو، بەتایبەت گەشتی کرد بۆ شاری کۆڵن و ئامادەی رێوڕەسمی خەڵاتدانەکە بوو.
لە ئەڵمانیا خانمێکی کورد لە ماوەی مانگێکدا دوو خەڵاتی گەورەی وڵاتەکەی وەرگرت. بۆ یەکێکیان سەرۆکی گەورە شارەوانییەکی ئەڵمانیا بەتایبەت و لەبەر ئەو خانمە لە شارەکەیەوە گەشتی کرد و چووە رێوڕەسمەکە.
سەرپیل تەمیز لە ئەڵمانیا بووەتە ناوێکی ناسراو. خانمێکی ئازایە کە کوڕەکەی لە شاری هاناو بەدەستی کەسێکی رەگەزپەرست کوژرا.
دوای ئەوە سەرپیل دامەزراوەیەکی دروستکرد بۆ بەرەنگاربوونەوەی رەگەزپەرستی و هاندانی یەکتر قبوڵکردن. کۆتایی مانگی پێنجی ئەم ساڵ خەڵاتێکی وەرگرت و بووە باڵیۆزی دێموکراسی و یەکترقبوڵکردن لە ئەڵمانیا. دوێنێش لە شاری کۆڵن خەڵاتێکی دامەزراوەی بیمە هەرێمییەکان (گێ فاو فاو GVV)ی وەرگرت.
ئەو دامەزراوەیە چەترێکە و ژمارەیەکی زۆر بانک و دامەزراوەی بیمەی ئەڵمانیا تێیدا ئەندامن. خەڵاتەکە هێندە گرنگ بوو کە کلاوس کامینسکی، سەرۆکی گەورە شارەوانیی شاری هاناو، بەتایبەت گەشتی کرد بۆ شاری کۆڵن و ئامادەی رێوڕەسمی خەڵاتدانەکە بوو.
سەرچاوە/ رووداو