فەرمانگەی داواكاری گشتیی دهۆك، هۆشداری بە میدیاكان و راگەیاندكار و ڕۆژنامەوانان دەدات و داوایان لێ دەكات، لە سنووری پیشەیی خۆیان دەرنەچن.
پاش ئەوەی چەند پەیج و كەناڵێك رۆڵێكی خراپیان گێڕا لە هەوڵدان بۆ ئاژاوەگێڕی و هاندانی لەیاسادەرچوون، فەرمانگەی داواكاری گشتیی دهۆك هۆشدارینامەیەكی بڵاو كردەوە
لەو هۆشدارینامەیەدا كە لە پێگەی فەرمیی خۆی لە تۆڕی كۆمەڵایەتیی (فەیسبووك) بڵاوی كردووەتەوە، فەرمانگەی داواكاری گشتیی دهۆك رای گەیاندووە: ”هەر كەناڵ و راگەیاندكار و ڕۆژنامەوانێك لە سنووری پیشەیی خۆی دەربچێت، رێكاری یاسایی لە بەرامبەردا دەگیرێتە بەر."
سەرچاوە/ باس نیوز