شادۆست فەرهاد زوومی سلێمانی لەلایەن هێزە ئەمنییەکانی سلێمانییەوە دەستگیرا.
تیمی یاسایی زووم رایگەیاند، شادۆست شەوی رابردوو لە لایەن ئاسایشی سلێمانییەوە دەستگیرکراوە و تا ئێستا ئازاد نەکراوە و دەستبەسەرە.
هۆکاری دەستگیرکردنەکەی بۆ بڵاوکردنەوەی زانیاری لەبارەی پێدانی هاوکاریی دارایی بە هێزە ئەمنییەکانی سلێمانی دەگەڕێتەوە.
نزیکەی 20 رۆژ لەمەوبەر زووم ئاشکرایکرد، یەکێتیی نیشتیمانیی کوردستان بڕێک پارەی بە ناوی هاوکارییەوە داوەتە بەشێک لە کارمەندانی هێزە ئەمنییەکان، بۆ ئەوەی بایکۆتی دەوام نەکەن و ئەرکەکانیان بەڕێبکەن.
ئێستا زووم زانیویەتی دوای دابەشکردنی مووچەی مانگی پێنج، ئەو بڕە پارەیەی وەک هاوکاری بەسەر هێزە ئەمنییەکاندا دابەشکرابوو، لێیان وەرگیراوەتەوە، بەهۆی بڵاوکردنەوەی ئەم زانیارییە، شادۆست فەرهاد دەستگیرکراوە.
سەرچاوە/ زووم