سەنتەری میترۆ بەشداری لە چالاكییەكانی ساڵیادی تیرۆركردنی رۆژنامەنووس (سۆرانی مامە حەمە) لە شارەكانی( لندن، بێرمینگهام، مانچیستر، گڵاسگۆ، نیوكاسڵ)، دەكات. رایدەگەیەنێت، پێویستە رۆژنامەنووسان بەبێ ترس لە تۆڵەسەندنەوە و دوور لە سانسۆر، بتوانن گوزارشت لە بیروڕای خۆیان بكەن.
لە گووتەكانیدا چیا ئەسعەد باسی لەوەكرد كە تێپەڕبوونی زەمەن بە سەر رووداوی تیرۆری سیاسی و تیرۆر لەسەر ئازادی بیروڕا و ئازادی رۆژنامەنووسی، ساڵێك بێت یان سەدەیەك، مانای سڕینەوەی رووداوەكە ناگەیەنێت لە یادەوەری گشتیدا. ئەوەی رەنگە خەمی ئێمە و ئێوە و خانەوادەی سۆرانی مامە حەمە كەمتر بكات، گەڕانەوەی مافە بۆ خاوەن ماف و بینینی تاوانبارانی راستەقینەیە لەبەردەم دادگایەكی عادیلانە.
هەروەها ئاماژەی بە رواڵەتەكانی توندوتیژی بەرانبەر رۆژنامەنووسان لەكاتی روماڵكردنی ناڕەزایەتی هاوڵاتیان.