ئەمینداری گشتی یەكگرتوو رایگەیاند سەنتەری میترۆ لەسەرەتای دامەزراندنیەوە تاوەكو ئێستا خزمەتێكی بەرچاوی لەبواری داكۆكی لە مافی ڕۆژنامەنووسان كردووە، وە ڕاپۆرتەكانی ساڵانەیان كاریگەری لەسەر پشتگیری ڕۆژنامەنووسان هەبوە و جێگەی دەستخۆشیە بەتایبەت ئەوەی كە جیاوازی ناكەن لەنێوان دەزگاكانی ڕاگەیاندن.

قسەكانی مامۆستا سەلاحەدین محەممەد بەهائەدین، ئەمینداری گشتی یەكگرتووی ئیسلامی كوردستان، ئەمرۆ چوار شەممە 23/7/2025، لەكاتی پێشوازیكردنی بوو لە بارەگای تایبەتی خۆی لەشاری سلێمانی، بە ئامادەبوونی ژمارەیەك لە ئەندامانی مەكتەبی سیاسی، لە شاندێكی سەنتەری میترۆ.

تیمی میترۆ سوپاسی پێشوازی گەرمی بەڕێز مامۆستا سەلاحەدین محەممەد بەهائەدین و ئەندامانی مەكتەبی سیاسی كرد، هەروەها باسیان لە ڕۆڵی یەكگرتووی ئیسلامیی كوردستان و خودی ئەمینداری گشتی یەكگرتوو كرد لەگۆڕەپانی سیاسی عێراق و هەرێم و ناوچەكە، هەروەها سوپاسی دەزگاكانی میدیای یەكگرتووی ئیسلامی كوردستانیان كرد لە پشتیوانیكردنی ئازادی رادەربڕین و رۆژنامەگەری و چالاكی و هەڵوێستەكانی سەنتەری میترۆ.