رێكەوتی 18ی ئاب، پێشوازیمان لە ڕۆژنامەنووسی عێراقی عیماد ئەلخەفاجی كرد.
عیماد ئەلخەفاجی خاوەنی ئەرشیفێكی دەوڵەمەندی دیدارە لەگەڵ سیاسییەكانی عێراق، دیارترین دیداری لەگەڵ سەرۆكی پێشتووتری عێراق، سەرۆك جەلال تاڵەبانی بوو، كاتێك ئەم پرسیارەی لێكرد، "لەسەردەمی پێشوو لە عێراق بە هۆی نوكتەی سیاسی و نوكتە لەسەر سەرۆك كۆمار خەڵك رووبەرووی سزای توند دەبووەوە، بەڵام تۆ لە سەرەتای كۆبوونەوەكانت لە سەرۆكایەتی كۆمار یان بە نوكتەیەك دەستپێدەكەیت، یان دەپرسیت نوكتەی تازە لەسەر خۆم چییە؟"
لە وەڵامدا مام جەلال گووتی: دەبا نوكتەیەكت بۆ باس بكەم.
دەڵێن بە مام جەلالیان ووت رات چییە بەرامبەر "عراقنا" (بەمانای عێراقەكەمان)
مام جەلالیش لە وەڵامی پرسیارەكە دەڵێت: من ئاسیاسێڵم پێ باشترە.
لە كۆبوونەوەكەدا باسمان لە بارودۆخی گشتی و بارودۆخی ئێستای ئازادی و فەزای مەدەنی كرد لە عێراق، كە لە هەندێ وێستگەدا رێك لاسایی سەردەمی رژێمی سەدام دەكەن.
عیماد لەسەردەمی رژێمی پێشوو بەهۆی بیروڕای سیاسییەوە سجنەكانی ئەبوغرێب، سجنی ژمارە یەك، و ئیستخباراتی شوعبەی خاسەی بینیوە.
پاشان لە مەحكەمەی سەورەی بەدناو حوكم دراوە، 3 ساڵ لە ئەبوغرێب بووە و بە لێبووردنی گشتی ئازاد كراوە.