بەیانی ئەمڕۆ، 16ی ئەیلولی 2025، لە شاری بەغداد، روانگەی عێراقی بۆ چادێری دیموکراسی راگەیندرا، رێکخەری میترۆ پیرۆزبایی لە دامەزرێنەرانی کرد.
مەراسیمەکە بە وتاری حسام ئەلحاج بەناوی روانگەکە و پاشان داوای محمد شیاع سودانی سەرۆک وەزیران کرد وتارێک پێشکەش بکات، چەندین سەرکردەی پارتی سیاسی ئامادەی ئەم مەراسیمە بوون.
مەراسیمەکە لە هۆڵی خولد بەڕێوەچوو، ئەم هۆڵە لە مێژووی سیاسی عێراق وەک رەمزێک بۆ پاکتاوکردنی نەیاری سیاسی و دەرکەوتنی سەدام وەک و پاکتاوکەری هەڤاڵەکانی، تەماشا دەکرێت.
حیزبی بەعس، لە 22ی تەمووزی 1979، لە کۆنفرانسێکیدا کە لەم هۆڵە رێکخرا، سەدام حسێن چەند رۆژێک بوو سەرۆکایەتی عێراقی زەوت کردبوو، یەکە یەکە ناوی هەڤاڵە دێرینەکانی بانگدەکرد و لە هۆڵەکەوە یان دەیناردنە زیندان یان بۆ لە سێدارەدان. ئیتر لەو رۆژەوە هەڤاڵە بەعسییەکانی سەدام، لەو ژینگە تۆقێنەرەی سەرۆکەکەیان دروستی کردبوو، پرسیاریان لە یەکتر دەکرد، دوای ئەوان نۆرەی کێییە؟
بەڕێزان، سودانی و عمار ئەلحەکیم قسەی جوانییان کرد، بەڵام نێوان قسەو کردار کاری زۆری دەوێ.
کاری زۆرمان دەوێ, ئیدی هۆڵی خولدی بەغدا و شوێنی تریش نەکرێنە شوێنی پاکتاوکردن و زەبروزەنگی سیاسی، .
رێکخەری سەنتەری میترۆ پیرۆزبایی دامەزراندنی روانگەی چاودێری دیموکراسی لە بەڕێزان موحی الانساری و حسام ئەلحاج کرد، بڕیارە لە داهاتوودا کۆبونەوەی هاوبەشی نێوان میترۆ و روانگە وەک دوو رێکخراوی چاودێری هەمئاهەنگی بکەن.
#IDObaghdad
#AlRasheedCenterforDevelopment
#المرصد_العراقي_لمراقبة_الديمقراطية
#اليوم_العالمي_للديمقراطية
#internationalDayofDemocracy