ئەمرۆ، ٢٤ی تشرینی دووەمی ٢٠٢٥، هێنریک ئاغنس، بەرپرسی دێسکی لیڤانت و بەڕێوەبەری پڕۆگرامی قەریب لە CFI، قاسم خدر، ڕێکخەری CFI لە عێراق و ڕاوێژکاری میدیایی لە پڕۆگرامی قەریب لە کەناڵی فەرەنسای نێودەوڵەتی بۆ پەرەپێدانی میدیا سەردانی سەنتەری میترۆیان کرد و تیمی سەنتەری میترۆ و تۆری هاوپەیمانی ١٩ بە گەرمی پێشوازیان لێ کردن.
سەردانەکەیان دەرفەتێکی باش بوو بۆ گفتوگۆکردن سەبارەت بە دۆخی ئازادی ڕۆژنامەگەری و ئازادی رادەربرین لە هەرێمی کوردستان و ئاشنابوون بە نوێترین کار و چالاکییەکانی سەنتەری میترۆ و تۆری هاوپەیمانی ١٩ بۆ چاودێری ئازادی رادەربرین، باسکردنی ڕاپۆرتی ساڵانەی میترۆ بۆ بارودۆخی ئازادی ڕۆژنامەگەری لە هەرێمی کوردستان بۆ ساڵی ٢٠٢٥، کە لە مانگی کانونی دووەمی ساڵی داهاتوودا بڵاودەکرێتەوە.