پێنج شەممە 9ی ئەیلوولی 2026، تیمی سەنتەری میترۆ پێشوازییان لە وەفدێكی راگەیاندنی یەكگرتووی ئیسلامی كوردستان كرد، بەڕێزان مامۆستا فەهمی حەمەتۆفیق، بەرپرسی ناوەندی ڕاگەیاندنی یەكگرتوو لە سلێمانی-هەڵەبجە ، سامان حمەكەریم كارگێڕی ناوەند ، ئیبراهیم ئیسماعیل لێپرسراوی ڕاگەیاندنی مەڵبەندی سلێمانی یەكگرتوو.
تیمی میترۆ بە گەرمی بەخێرهاتنی كردن و سوپاسی میدیای یەكگرتووی ئیسلامی و رۆژنامەنووسەكانی كرد كە لە 17 ساڵی رابردوو هاوپشتی سەنتەری میترۆ و ئامانجەكانیان كردوە لە پێناو ژینگەیەكی كراوەتر و سەلامەتتر بۆ رۆژنامەنووسان.
لە دیدارەكە باس لە دوا چالاكی سەنتەری میترۆ كرا كە تیایدا رێبەری یاسایی و ئاكاری بۆ رۆژنامەنووسان راگەیاند، ئەو رێبەرە دەربارەی روماڵكردنی رۆژنامەنووسانە بۆ پرسەكانی جەنگ، گووتاری رقوكینە، هەواڵی دادگاو تاوان و مافەكانی مرۆڤ.
هەردولا هاوڕابوون لەسەر پێویستی ئاكاری كاركردنی رۆژنامەنووسان بۆ پرسە هەستیارو گرنگەكان و پابەندبوونی رۆژنامەنووسان بەو یاساو ئاكاراوە.
لە كۆبونەوەكەدا هەردولا جەخیتیان كردوە كە ئازادی ڕۆژنامەگەری و مافی دەستڕاگەیشتن بە زانیاری و روماڵكردنی هەواڵ بێ دەستكاری و گەمەكردن بە زانیارییەكان متمانەی هاوڵاتیان بە راگەیاندنەكان پتەوتر دەكات و پێوێستە پابەندنی ئەو ئاكارانە بن.
هەروەها داوایانكرد كە یاساكانی رۆژنامەگەری و دەستكەوتنی زانیاری پێودانگبن بۆ مامەڵەكردن و لەگەڵ رۆژنامەنووسان دەزگانی راگەیاندن و جێبەجێبكرێن.