میترۆ
لە چوارچێوەی پرۆژەی دەنگەكانمان سەنتەری METRO و رێكخراوی ئەنتەرنیوز Internews بەپاڵپشتی دارایی رێكخراوی Sida راهێنانی رۆژنامەوانی بۆ ژماره‌یه‌ك له خانمه ڕۆژنامه‌وانه‌كانی خواروی عێراق راگه‌یاند و ئه‌مڕۆ هه‌ینی 25ی شوباتی 2022، خوله‌كه له شاری سلێمانی ده‌ستیپێكرد.
راهێنانەكه ماوەی چوار رۆژە به‌رده‌وام ده‌بێت و تایبەته بە بواری رۆژنامەوانی مۆبایل و بەرهەمهێنانی ناوەرۆكی دیجیتاڵی.
لە ماوەی خولەكەدا بەشداربووان فێردەكرێن بە شێوەیەكی پراكتیكی بابەتی دیجیتاڵی بەرهەمبهێنن، بە ئامانجی بەرزكردنەوەی توانای كچان و ژنانی رۆژنامەنوس لەم بوارەدا.
له‌م خوله‌دا 24 كچ و ژنانی ڕۆژنامه‌وانی له كه‌ناڵه جیاوازه‌كانی ناوه‌ڕاست و خواروی عێراق تێیدا به‌شدارن.