دەستەی سەربەخۆی مافی مرۆڤ لەسەر کوژرانی چوار هاوڵاتی شاری دهۆک لە تورکیا هاته‌ده‌نگ





میترۆ
دەستەی سەربەخۆی مافی مرۆڤی هەرێمی کوردستان لەسەر كوشتنی چوار هاوڵاتیی شاری دهۆك لە تورکیا بەیاننامەیەکی بڵاو کردەوە.

لە بەیاننامەکەی دەستەی سەربەخۆی مافی مرۆڤدا هاتووە: ''بەرەبەیانیی ئەمڕۆ 19/1/2023، لە شاری مێردین لە وڵاتی توركیا چوار هاونیشتمانیی شاری دهۆك شەهید کران و یەكێكی دیکەش بەسەختی بریندار كرا كە بە مەبەستی چارەسەری پزیشكی ڕوویان كردبووە وڵاتی توركیا.''

ئاماژە بەوەش دراوە: ''ئێمە لە دەستەی سەربەخۆی مافی مرۆڤ بەتوندی ئیدانەی ئەم كردەوەیە دەكەین، پەیامی سەرەخۆشییش ئاراستەی خانەوادەکانیان دەکەین و داواكارین حكوومەتی هەرێمی كوردستان و حكوومەتی عێراقی فیدراڵ لە ڕێگای پەیوەندییە دیپلۆماسییەكانیانەوە لێكۆڵینەوەی ورد لەسەر ئەم بابەتە بكەن لەگەڵ حكومەتی توركیا، بۆ ئەوەی بكەرانی تاوانەكە بە سزای یاسایی بگەیەنرێن و كردەوەی لەم جۆرە دووبارە نەبنەوە.''


PM:05:41:19/01/2023




ئه‌م بابه‌ته 120 جار خوێنراوه‌ته‌وه‌‌