سەر لە ئێوارەی ئەمڕۆ دووشەمە ١٣ی ئاداری ٢٠٢٣ ئاسایشی هەڵەبجە حەوت چالاكوانی ئەو شارە كە سەرقاڵی ئامادەكاری بوون بۆ ئەنجامدانی خۆپیشاندانەكەی سبەینێ دەستگیرکران.
ئێمە ئیدانەی دەستگیرکردنی ژمارەیەک چالاکوان لە شاری هەڵەبجە دەکەین کە بە شێوەیەکی ئاشتیانە خۆیان بۆ خۆپیشاندان ئامادە دەکرد.
بەکارهێنانی ترس و تۆقاندن لە لایەن هێزە ئەمنییەکان و سەرکوتکردنی مافی هاووڵاتیان بۆ دەربڕینی بیروڕای خۆیان، دژ بەو بەها بەرزانەن کە هاوڵاتیانی شارەکە قوبانياني بۆ داوە .
دەستگیرکردنی ئەو چالاکوانانە پێشێلکارییەکی ئاشکرای بەندەکانی مافی مرۆڤی نێودەوڵەتی و یاسا کارپێکراوەکانی هەرێمی کوردستانە کە ئازادی ڕادەربڕین و گردبوونەوە گەرەنتی دەکات.
داوا لە بەرپرسان دەکەین لەکاتێکدا بەپارێزگابونی هەڵەبجە مایەی خۆشحاڵیە بۆ هەموان ئا لەم کاتەدا دەستبەجێ ئەو چالاکوانە دەستبەسەرکراوانە ئازاد بکەن و دڵنیابن لەوەی کە بە ڕێز و کەرامەتەوە مامەڵەیان لەگەڵ دەکرێت.
هەروەها داوا لەلایەنە پەیوەندیدارەکانی هەڵەبجە دەکەین ڕێز لە مافی هەموو هاووڵاتیان بگرێت و بپارێزێت بۆ دەربڕینی بیروڕای خۆیان و کۆبوونەوە بە ئاشتیانە بەبێ ترس لە تۆقاندن و هەراسانکردن و توندوتیژی.
داوا لە دەسەڵاتداران دەکەین خۆیان لە بەکارهێنانی هێزی زیادەڕۆیی یان پەنابردن بۆ دەستبەسەرکردنی ئارەزوومەندانە بەدوور بگرن و لەگەڵ ڕێکخراوەکانی کۆمەڵگەی مەدەنی و لایەنە پەیوەندیدارەکانی دیکەدا گفتوگۆیەکی بنیاتنەر بکەن بۆ چارەسەرکردنی ناڕەزایەتییە ڕەواکانی هاووڵاتیان.
ئێمە وەک ژمارەیەک ڕێکخراوی کۆمەڵگەی مەدەنی هاوسۆزی خۆمان لەگەڵ ئەو چالاکوانانەی هەڵەبجە دەردەبڕین وهەموو ئەو زیندانیکراوانەی ئازادی رادەربرینی ناوچەکانی تری کوردستان کە بوێرانە کار بۆ بەرەوپێشبردنی دیموکراسی و دادپەروەری و مافی مرۆڤ دەکەن.
ئێمە بەردەوام دەبین لە چاودێریکردنی دۆخەکە لە نزیکەوە و لەگەڵ هاوبەشەکانمان کاردەکەین بۆ داکۆکیکردن لە پاراستنی ماف و ئازادییە بنەڕەتییەکانی هاوڵاتیان.
سەنتەری مێترۆ
ڕێکخراوی هەڵوێست
ڕێکخراوی پایتەختی ئاشتی
رێکخراوی بەدیل بۆ دیبەیت
رێکخراوی کوردستان بۆ هەموان
پەیمانگەی کوردی بۆ هەڵبژاردن
هادی حمەرشید چالاکوان و چاودێری سیاسی
کۆمەڵەی قوربانیانی کیمیابارانی هەڵەبجە
فیدراسیۆنی ڕێکخراوەکانی کۆمەڵی مەدەنی
رێکخراوی ئاران بۆ پەرەپێدانی کلتوری مەدەنی.
موجاهید حمەامین چالاکوانی مەدەنی
ڕێکخراوی دۆستانی هەڵەبجە