کۆنسوڵخانەی فەرەنسا: رۆژنامەڤانێکی فەرەنسی و کچە هاوکارەکەی لە سلێمانی دەستگیرکراون




ميترو,رووداو 

کۆنسوڵخانەی گشتیی فەرەنسا لە هەولێر دەڵێت، بەشێوەیەکی "هەڕەمەکی" رۆژنامەڤانێکی فەرەنسی و کچە هاوکارەکەی لە سلێمانی دەستگیرکراون و دواتر ئازادکراون. 
 
کۆنسوڵخانەی گشتیی فەرەنسا "بە تووندترین" شێوە سەرکۆنەی دەستگیرکردنەکە دەکات. رووداوەکە رۆژی 02-06-2023 روویداوە. 
 
"دڵگرانین بەو دەستدرێژییە بەردەوامانەی دەکرێنە سەر ئازادی رۆژنامەگەری و مافەکانی رۆژنامەڤانان لەسەرتاسەری هەرێمی کوردستان. ئەم رووداوەش نموونەیەکی دیکەی ئەم دەستدرێژییانەیە"، وەک کۆنسوڵخانەی فەرەنسا دەڵێت. 
 
کۆنسوڵخانەکە سوپاسی ئەو "دەسەڵاتدارانە دەکات کە بەشداربوون لە کردنەوەی گرەوی ئەم دۆخە." 
 


PM:02:42:04/06/2023




ئه‌م بابه‌ته 304 جار خوێنراوه‌ته‌وه‌‌