مەراسیمی كۆتایی پرۆژەی بەهێزكردنی توانای رۆژنامەنوسانی پێكهاتەكان لە هەولێر بەرێوەدەچێت




مەراسیمی كۆتایی  پرۆژەی بەهێزكردنی توانای رۆژنامەنوسانی پێكهاتەكان لە هەولێر بەرێوەدەچێت
بەیانی ئەمرۆ لە سەنتەری میترۆ پێشوازیمان كرد لە بەرێوەبەری رێكخراوی گەشەپێدانی مەدەنییەت (بەختیار ئەحمەد) و رێكخەری پرۆژەكانی رێكخراوەكە ( رۆژە حەمە غەریب)، كرد.

 باسمان لە دوا چالاكییەكانی (پرۆژەی بەهێزكردنی توانای رۆژنامەنوسانی پێكهاتەكان) كرد كە بریارە سەرەتای هەفتەی داهاتوو لە شاری هەولێر بە ئامادەبوونی بەشداربوان  خولەكان بەرپرسی دامەزراوەكانی میدیا و لایەنی رەسمی، مەراسیمی كۆتایی بۆ رێكبخەین.

پرۆگرامی راهێنانی رۆژنامەنوسانی پێكهاتەكان (وەزارەتی دەرەوەی ویلایەتە یەكگرتووەكانی ئەمریكا) پشتیوانی دەكات، رێكخراوی CDO و METRO جێبەجێیدەكەن، چوارچێوەی چالاكیی پرۆژەكە لە هەولێر و سلێمانی و دهۆك و موصل و كەركوك دەیان رۆژنامەنوس راهێنانیان پێكراوە.

لە خولەكەكان رۆژنامەنوسانی پێكهاتەكان وەك ( كاكەیی، ئێزیدی، زەردەشتی، كلد و ئاشور- سریانی، بەهائیی، توركومانی، شەركەسی، ئەرمەنی، شەبەك، جو و صابئی)، بەشداربوون.

ئامانج لەو خولانە بنیاتنانی توانستی بەشداربوانە لە بواری راپۆرت نوسین و چاودێریكردنی پێشێلكاری مافی مرۆڤ و رۆژنامەنوسی بنكۆڵكاری، لێكۆڵینەوە لە كەیسەكانیان، دیاریكردنی مافی پێكهاتەكان بە یاساكانی عێراق و هەرێمی كوردستان و پێوەرە نێودەوڵەتییەكان.

وەك سەنتەری میترۆ پرۆژەی هاوبەشمان لەگەڵ رێكخراوی گەشەپێدانی مەدەنییەت CDO ئەزمونێكی تری گرنگی كاری رێكخراوەیمان بوو لە بواری بەرێوەبردنی پرۆژەی گەورە و سوودمان بینی لە ئەزمەنی ئەو رێكخراوە لە ئیدارەكان و رێكخستنی چالاكییەكان.

06.07.2021


PM:12:04:08/07/2021




ئه‌م بابه‌ته 92 جار خوێنراوه‌ته‌وه‌‌